بما اني احب الصبغ وايد ودايما اشتري

فهذه مجموعة اصباغ للاظافر حيل عجبتني والوانها تهبل

والاحلى انها رخيصة ومو غالية سعرها ب 750 فلس

تلقونها متوفره في سرداب الشايع الي بسوق الديرة او بسيتي سنتر الشويخ او السالمية

اسمها golden lady

هذي صوة الصبغ على اظافري

هذي ماركة الصبغ :

وهذي صورة الالوان الي حطيت منهم فوق طبعا متوفر وااايد الوان بس هذي الالوان الي حبيتها ؛

رجعت لكم بشي يديد وحلو وغريب بنفس الوقت

موضة تكسير صبغ الاظافر

الي اهيه بس صبغ تحطينه بالظفر ويتكسر بروحه بس شرط يكون تحت صبغ يعني يكون اهوة الطبقة الثانية

لقيته في سنتر بوينت قسم المكيااج بالصور راح تلقون ماركته :

هذي صورته من النت :

وهذي صورته على اظافري طبعا تصوير عالسريع ؛

وهذي صورته على اظافر اختي :

وهذي ماركته والوانه طبعا متوفر منه وااااااايد الوان :

هذا امس وانا افتر بالافنيوز دخلت محل

المحل واااايد حلو وفيه كل شي للاطفال وللتوضيح اكثر هذي صورة المحل من النت

لاني نسيت اصورها لكم (:

للي حابين يشترون لعيالهم على شخصياات راح يلقون متوفر في هالمحل ولاعمار مختلفة ،،

حاولت اصور لكم الي اقدر عليه وهذي الصور :

اليوم موضوعي عن مطعم بالافنيوز اسمه رايس

مكااانه: فوق يم الالعاب قبال مطعم ابل بيز

طبعا كتقييم للمطعم ممتاز من جميع النواحي

حتى جو المطعم حلو وهادي حيل

والحلو فيه انه تقريبا اكله كله كويتي

والاحلى طريقة تقديم الاكل

هذي صورة واجهة المطعم

هذي صورة الكراسي والطاولات داخل المطعم وفي للي بحب يقعد بره المطعم

بس انا قعدت داخل احلى واهدى بصراحة

راح تلاحظون بالصور ان الاضاءة خافته حيل

والي عجبني اكثر ان حتى الثريا على شكل حبات العيش وعلى اسم المطعم :

اول ما تقعد يقدم لك المطعم خبز وزبدة :

المنيو ماشاء الله كل شي في حلو يعني الواحد يحتار شنو يختار ،،
وقع الاختيار على :

مرق بامية وطبعا يقدمون مع المرق العيش والسلطة والمخلل ولبن بالنعناع او الزعتر او اي مشروبات غازية وصحن حلو :

والاختيار الثاني والي عجبني اوزي باللحم :

وطلبت كبة باللبن والحلو بالكبة انها ميني كبة حيل لذيذة :

وبعدها قدمو لنا الجاي بالنعناع والحلويات الي اهيه كريم كراميل ومهلبية:

وهذي الفاتورة :

انصحكم بهالمطعم اكله لذيذ وقعدته حلوة وسعره حيل مناسب ،،،

لازالة البقع لقيت شي حلو

يزيل البقع التي تكون من القهوة،والشاي،والعصير،واللبن،والميك اب،الخ،،،،

احس انه حلو وعملي ينحط في الجنطة وحجمه صغير

وسعره رخيص ب ٨٦٥ فلس

موجود في جمعية الفيحا

هذي صورته

بما ان موضة الخواتم الي على فيونكة والي تنلبس على كل الاصبع

وانا افتر بجمعية الفيحا لقيت بالطابق الثاني محل اكسسوارات

ولقيت عنده خواتم اشكال والوان

فحبيت اصورهم وانقلهم لكم

ان شاء الله يعجبونكم

من خلال فرارتي بجمعية الفيحاء لقيت اشياء وايد ممكن تفيد الي يبي يحج

وصورتها لكم

وان شاء الله تفيدكم

هذا اول ما تدخل الجمعية تلقى مكان خاص للحجاج

هذا ديودرنت وصابون وكريم بدون عطر وسائل معقم للايد:

وهذا كلينكس جونسون بدون عطر :

وهذا لبس الاحرام :

وصعدنا فوق الرياضي بالصدفة لقيت نعل للرياييل هم للحج وجكجكت جم صورة لكم :

ودخلت قسم الملابس النسائية لقيت الخمار للحريم بصراحة انا اشوف انه وايد حلو ومريح للحج والاحلى انه بارد وهذي صورته:

وماشاء الله جمعية الفيحاء كل شي متوفر فيها يعني للامانة الي بيجهز للحج يروح لهم كل شي عندهم
الله يعطيهم العافية